နှစ်ပေါင်း ၃၀

ကျနော့်မွေးနေ့မှာတခြားဘလော့ဂါတွေလို မွေးနေ့ကိတ်တွေ၊ စားစရာ၊သောက်စရာတွေနဲ့တော့ ဧည့်မခံတော့ဘူးဗျာ.. ဒါပေမဲ့ စာတပုဒ်နဲ့တော့ ဧည့်ခံလိုက်ပါ့မယ်.. ထူးခြားမှုရှိတဲ့ စာတပုဒ် မဟုတ်တောင် အပျင်းပြေပြီဆိုရင် ကျေနပ်ပါပြီ။ စာတွေစကားလုံးတွေ တောရောက်တောင်ရောက်ဖြစ်နေရင် နားလည်ပေးပါဗျာ။



လွန်လေပြီးသောနှစ်၃၀လောက်က လူ့လောကကြီးကို ဒုက္ခပေးဖို့ရောက်လာတဲ့လူတယောက်။ မွေးမွေးချင်း အူဝဲလို့ ပီပီသသကြီးအော်လိုက်ပေမဲ့ အူဝဲလို့ အမည်မတွင်ပဲ ရိုးကလေး(အိမ်ခေါ်နာမည်)လို့တွင်ခဲ့ပါသတဲ့.....။
ဒီနေ့ဘာနေ့လဲ...???? ဟုတ်ကဲ့ ဒီနေ့ဟာ ကျနော့်မွေးနေ့ပေါ့ဗျာ။ အသက်ဘယ်လောက်ရှိပြီလဲ ဆိုတော့ အတိအကျပြောရင်ရင် လူ့ဘ၀ကြီးမှာနေလာတာ နှစ်ပေါင်း၃၀ပြည့်တဲ့နေ့ပေါ့။ ဒီထက်သေချာသိချင်ရင်တော့ အပါတ်ပေါင်း ၁၅၆၅.၃၅၇၁၄၂၈၅၇၊ ရက်ပေါင်း ၁၀၉၅၇.၅၊ နာရီပေါင်း ၂၆၂၉၈၀၊ မိနစ်ပေါင်း ၁၅၇၇၈၈၀၀၊ စက္ကန့်ပေါင်း၉၄၆၇၂၈၀၀၀ ရှိပါပြီ။လူ့လောကကြီးထဲ နှစ်ပေါင်း ၃၀ပြည့်အောင်နေလာခဲ့ပြီဆိုတော့ ဘာတွေများ ကောင်းတာလုပ်ခဲ့လဲ လို့ကိုယ့်ကိုယ်ကို ပြန်မေးကြည့်တာမှာ .... ဟုတ်ကဲ့.......
အမှန်အတိုင်းပြောပြရရင်တော့ မကောင်းတာနဲ့ အမှားတွေ များပါတယ်။ ဘာတွေမှားပြီး၊ ဘာတွေ မကောင်းခဲ့လဲဆိုတာတော့ ထူးထူးခြားခြားရယ်လို့ မရှိပါဘူး၊ သာမာန်သူလို၊ငါလို အမှားမျိုးတွေပါပဲ။ ဒါဆို ဘာကြောင့်များ ပြန်လည်စဉ်းစားနေသလဲ မေးရင်တော့ အနာဂါတ်အတွက် ကြိုတင်ပြင်ဆင်ရန်အတွက်ကြောင့်ပါ။ကိုယ်လျှောက်ခဲ့တဲ့ လမ်းဟာ ပန်းခင်းတဲ့လမ်းလဲ ဖြစ်ခဲ့သလို၊ ဆူးခင်းတဲ့လမ်းလဲ ဖြစ်ခဲ့ပါတယ်။ တခါတလေလဲပန်းခင်းလမ်းဖြစ်ရမဲ့ဟာ ကိုယ့်ရဲ့ အမှားကြောင့် ဆူးခင်းလမ်းဖြစ်သွားတာတွေ၊ အဲဒီလိုပဲ ကိုယ့်ရဲ့ လုပ်ဆောင်ချက်ကြောင့် ဆူးခင်းလမ်းကနေ၊ ပန်းခင်းလမ်း ဖြစ်သွားတာတွေလဲ မရေမတွက်နိုင်ပါဘူး။
နှစ်ပေါင်း၃၀တဲ့.. ဖြတ်သန်းခဲ့သမျှ ခွေးဝဲစားလည်ပြန်လှည့်ကြည့်မိတော့ ဘာမှမကြာသလိုထင်ရပေမဲ့.. နောက်ထပ်၁နှစ်၊၁လ၊၁ရက်၊၁နာရီ၊ ၁စက္ကန့် ရောက်ဖို့စောင့်စားရတာ ကြာသလိုခံစားမိတယ်။
++++++++++++++++++++++++++++++++++++
...................................................................တခါတလေတွေးမိတယ် လူတွေရဲ့
ဦးတည်ချက်ကဘယ်လဲ......။ ရည်မှန်းချက်ထားရှိတဲ့ ပန်းတိုင်ဆီကိုလား....။ အဲဒီပန်းတိုင်ရောက်ခဲ့ရင်ရော
ကျနော်တို့တွေ ပြီးဆုံးသွားပြီထင်ပါသလား.... မပြီးပါဘူး...။ ရည်မှန်းချက်တခုပြည့်တော့ နောက်တခုကိုထပ်မျှော်မှန်းကြပြန်ရော....ဒီလိုနဲ့ပဲ ဘ၀ကို မီးဇာကုန်ဆီခမ်းနဲ့ အပြီးသတ်သွားကြပြန်တယ်။
ဒါဟာဖြစ်သင့်ပါသလား.... ဟင့်အင်း လုံးဝမဖြစ်သင့်တဲ့အရာပါ။ ဒီလိုဆိုရင် ကျနော်တို့ ဘာလုပ်ကြမလဲ အများ
မိုးခါရေ သောက်သလိုလိုက်သောက်မလား..ဒါမှမဟုတ်သုံးလောကထွတ်ထားမြတ်စွာဘုရား လမ်းညွှန်ပြထားတဲ့
နိဗ္ဗာန်လမ်းကို အရောက်လှမ်းမလား.... ပုထုဇဉ်တွေဆိုတော့လဲ ခက်သားလားဗျာ အိမ်တလုံးပိုင်ဖို့အတွက်
အလုပ်ကိုနေ့မအားညမအား လုပ်ချင်လုပ်မယ်၊ ကားတစီးပိုင်ဖို့အတွက် မနားမနေအလုပ်ကြိုးစားချင်ကြိုးစားမယ်
ပုတီးစိပ်တရားထိုင်ဖို့ကျတော့ ခါးနာသလေး၊ခြင်ကိုက်သလေးနဲ့ အကြောင်းအမျိုးမျိုးပြပြီး နေ့ရွှေ့၊ညရွှေ့နဲ့လုပ်
ချင်ကြတယ်။ တကယ်ပုတီးစိပ်တရားထိုင်တော့ရော စိတ်ပါလားမေး... ၀တ္တရားကြီးတခုလိုပဲ ဆောင်ရွက်သွားကြ
တတ်ပြန်တယ်။ ဒီလိုနဲ့ပဲ သံသရာ စက်ဝိုင်းကြီးထဲမှာ တ၀ဲဝဲလည်ရင်း ရုံးမထွက်နိုင်ဖြစ်ကြရတယ်။
အခုတော့သံသရာစက်ဝိုင်းမှာ လှည့်ပါတ်ပြေးရင်း နှစ်ပေါင်း၃၀တောင် ရှိလာပါပကောလား..။ဘယ်တော့များမှ
ရုံးထွက်နိုင်မှာပါလိမ့်နော်..။ ဘာပဲပြောပြော သံသရာတကွေ့မှာ တွေ့ခဲ့၊ ခင်မင်ခဲ့ကြရတဲ့ ဘလော့ဂါ မောင်နှမ
တွေကိုတော့ မမြင်ဖူးပေမဲ့ သံယောဇဉ်တော့ ဖြစ်မိပါတယ်။ အဲဒီသံယောဇဉ်နဲ့ပဲ ဘလော့မရေးတော့ဘူးလို့ ဆုံးဖြတ်ခဲ့တာတောင် အဲဒီသံယောဇဉ်နဲ့ပဲ ပြန်ရေးဖြစ်ခဲ့တာပါ။
+++++++++++++++++++++++++++++++++++++
သြော် .... တကယ်တော့ လူတွေဟာ အသိခေါက်ခက် အဝင်နက်နေကြတာဗျ။ မကောင်းမှန်းသိတယ်၊ ဒါလုပ်ရင် ဒါဖြစ်မယ်ဆိုတာသိတယ်၊ အဲဒိသိသိကြီးနဲ့ကိုပဲ လုပ်နေကြတာခက်တယ်ဗျ။ ဒီစိတ်တွေကြောင့်လဲ ကိလေသာနွံထဲရုန်းမထွက်နိုင်ဖြစ်နေကြတယ်။ လူဆိုတာလဲ ခက်သားလားဗျာ မလုပ်နဲ့ဆိုတာ ပိုလုပ်ချင်တယ်၊ မကိုင်နဲ့ဆိုတာကို ပိုကိုင်ချင်ကြတယ်။
ဆိုတော့ကာ....... ကျနော်တို့ဘာလုပ်သင့်သလဲ....... သာမန်ပုထုစဉ်လူသားတွေဖြစ်ကြတဲ့ ကျနော်တို့ လုပ်စရာက တနည်းပဲရှိတယ်။ ဘာလဲဆိုတော့ စိတ်ကောင်းနှလုံးကောင်းထား၊ ရတနာသုံးပါးကိုကိုးကွယ်၊ကိုယ့်ဘက်ကဘာလုပ်လုပ် အကောင်းဆုံးဖြစ်အောင်လုပ်၊ ကိုယ်တတ်နိုင်သလောက်လေးကို မရှိဆင်းရဲသားတွေကို ပေးကမ်းစွံ့ကျဲတာဟာ အကောင်းဆုံးလို့ထင်တယ်ဗျ။
++++++++++++++++++++++++++++++++++++++++++++
(အောင်မလေးဟဲ့ ကိုယ်လိုချင်တဲ့နေရာရောက်ဖို့ကို အတော်လေးချုနေရတယ်)
ကျနော်အခုဆိုရင် အသက်၃၀ပြည့်ပြီ ဘယ်လိုပြောရမလဲ လူပျိုကြီး စာရင်းဝင်နေပြီပေါ့ဗျာ.. ခုဆိုပျိုရာကနေ ပြိုမဲ့ဘက်ရောက်လာပြီဗျ.. ဒီတော့ မပြိုခင် သမိုင်းပေးတာဝန်ကို ရဲရဲဝံ့ဝံ့ကြီး ထမ်းဆောင်သွားချင်သေးတယ်(ပြောပုံက အော့နှလုံးနာစရာကြီးနော် ရဲရဲဝံ့ဝံ့တဲ့) ဒါပေမဲ့ခက်နေတာက ပိုက်ဆံမရှိဘူးဗျ ဒီတော့ ဘလော့ဂါမောင်မနှတွေအနေနဲ့ သဒ္ဒါတတ်အားများများမဆို ပေးကမ်းလှုးဒါန်းကြပါလားဗျာ။ နောင်ဆိုကျနော် ဘလော့မရေးတော့ဘူးလေဗျာ မျက်စေ့ရှုပ်သက်သာတာပေါ့ဗျာ နို့မို့ဆို ရွှေလှေငွေလှေတွေကြားထဲ ငါးပိလှေမှောက်သလို ဖြစ်နေတယ် မဟုတ်လား။ နို့မဟုတ်လို့ကတော့ ပေါက်ကရလေးဆယ်တွေ လျှောက်ရေးနေမှာဗျ။
ပေးလိုက်နော် တယောက်ကို ဒေါ်လာ၁၀၀၀လောက်ဆိုရင်ကိုပဲ မိန်းမ၂ယောက်လောက်ကို အေးဆေးတင်ကြွေးထားလို့ရပြီဗျ..... မိန်းမလဲ သိပ်မလိုချင်ပါဘူး ၂ယောက်ထဲပါ သမိုင်းပေးတာဝန်ကို အတိုးရော၊ အရင်းပါဆပ်ချင်လို့ ၂ယောက်ပဲတော်ပြီ သိပ်များလဲ မကောင်းဘူး မဟုတ်လား.....ဟီးဟီးဟီး

ကျနော့်ဆရာကြီးကိုလင်းထက်ကလဲသူ့ဘလော့မှာ မွေးနေ့ဆုတောင်းလေး ရေးပေးထားပါတယ် ခင်ဗျား။
ဒီပုံလေးကတော့ ဒွင်းပို့ပေးတဲ့ မွေးနေ့ အမှတ်တရ ပုံလေးပါ။



ဒီပုံလေးကတော့ပုလဲ(ခေါ်)မြတ်သွယ်က အမှတ်တရ ပေးပို့တဲ့ပုံလေးပါ။

မွေးနေ့မှာ လာရောက် အားပေး ဖတ်ရူသူအားလုံး ကျန်းမာ ချမ်းသာကြပါစေဗျာ (လာမဖတ်သူမပါ)