နာရေးကူညီမှုအသင်း (ရန်ကုန်)

ကျနော်ဟာ မွေးနေ့တိုင်းလိုလို သံဃာ့ဆေးရုံ ဒါမှမဟုတ် ဘိုးဘွားရိပ်သာမှာ ကျနော့်ချွေးနဲစာနဲ့ တတ်နိုင်သလောက် လှုနေကျပါ။ သိပ်များများစားစားတော့ မဟုတ်ပါဘူး၊ ၅ထောင်၊ ၁သောင်း၊ ၂သောင်း စသည်ဖြင့်ပေါ့ ကိုယ်တတ်နိုင်သလောက်လေးကို မွေးနေ့တိုင်းမှာ ကျနော့် ချွေးနဲစာနဲ့ လှုဖြစ်အောင် လှုနေကျပါ။

နာရေးကူညီမှု အသင်း(ရန်ကုန်)မှာ ရုပ်ရှင်မင်းသား ကိုကျော်သူဦးဆောင်ပြီး နာရေးကိစ္စ အခမဲ့ လုပ်ဆောင်ပေးနေတယ် ဆိုတာ ကျနော်ကြားဖူးနေတာတော့ ကြာပါပြီ။ ဒါပေမဲ့ တခါမှ မျက်မြင်ကိုယ်တွေ့ မတွေ့ခဲ့ရတာကြောင့် နားရေးကူညီမှု အသင်းဆီမှာ လှုဖို့ အခွင့် မသာခဲ့ပါဘူး။ မှတ်မှတ်ရရ facebook စသုံးတဲ့ လွန်ခဲ့တဲ့ ၁နှစ်လောက်မှာ ကိုကျော်သူနာမည်နဲ့ account တခုကိုတွေ့လို့  add လိုက်တော့မှ နာရေးကူညီမှု အသင်းရဲ့ သတင်းတွေ၊ ဓာတ်ပုံတွေနဲ့ သေသေချာချာ မြင်တွေ့လိုက်ရတော့မှ နာရေးကူညီမှု အသင်းသူ ၊ အသင်းသား အားလုံးရဲ့ ကိုယ်ကျုိုးမငဲ့ပဲ အတားအဆီးတွေ ကြားက လုပ်ရဲ၊ ကိုင်ရဲတဲ့ စိတ်ဓာတ်ကို လေးစား အားကျမိပါတယ်။ ဒီအလုပ်မျိုးဆိုတာ တော်ရုံစိတ်ဓာတ်နဲ့ လုပ်ဖို့ မလွယ်တာ အမှန်ပါ။ ခပ်ရိုင်းရိုင်း ပြောကြေးဆိုရင် ဒီအလုပ်ဟာ သုဘရာဇာ အလုပ်မို့လို့ တော်ရုံ ဇွဲ၊ သတ္တိနဲ့တော့ ဒီအလုပ်လုပ် ဖြစ်မယ် မထင်ပါဘူး။


အမှန်အတိုင်း ပြောရရင် ကျနော် facebook မှာမတွေ့ခင် အထိ ကိုကျော်သူနဲ့ နာရေး ကူညီမှု အသင်း (ရန်ကုန်)ကို အထင်မကြီးတာ အမှန်ပဲ။ ဘာကြောင့်လဲ ဆိုတော့ လူတယောက်ဟာ နာမည်ကြီးလာတာနဲ့ သူဘာလုပ်လုပ် လူတိုင်းက အထင်ကြီးကြတာ ထုံးစံလို ဖြစ်နေတော့ ကျနော်ဟာ ကိုကျော်သူကိုလဲ ပေါ်ပင် လုပ်တာ တနည်းအားဖြင့် နာမည်ကောင်း ယူနေတာလို့ပဲ ထင်မိခဲ့ပါတယ်။
facebook မှာ သတင်း၊ ဓာတ်ပုံတွေ သေချာချာတွေ့ပြီး နောက်ပိုင်း စိတ်ထဲကနေ ကိုကျော်သူနဲ့ အသင်းသူ၊ အသင်းသားများကို စိတ်ထဲကနေ ခွင့်လွှတ်ဖို့ တောင်းပန်နေခဲ့ မိပါတယ်။

မနှစ်က ကျနော့်မွေးနေ့မှာ ၅သောင်း (ထင်တာပဲ သေချာ မမှတ်မိတော့ဘူး၊ အဲဒီထက် မများတာတော့ သေချာတယ်) လှုဖြစ်ခဲ့ပါတယ်။ အိမ်က လူကြီးတွေ ကျနော့်ကိုယ်စား သွားလှုပေးခဲ့တာပါ။ အဲဒီမှာ နာရေး အသင်းက အလှုလက်ခံ လက်မှတ်ဖြတ်ပိုင်း၊ နာရေး အသင်းရဲ့ လုပ်ဆောင်မှုတွေကို ဖော်ပြထားတဲ့ စာရွက်၊ စာတမ်းတွေနဲ့ ဒီဗီဒီ တခွေ ပြန်လှုလိုက်လို့  အိမ်ကလူကြီးတွေ သေချာ သိမ်းဆည်းထားရင်း ... ရန်ကုန်ကနေ လူကြုံရှိတယ် လိုချင်တာ မှာနိုင်တယ်ဆိုလို့ ကျနော် စိတ်ဝင်စားနေပြီ ဖြစ်တဲ့ နာရေးအသင်းက ပြန်လှုလိုက်တဲ့ ဒီဗီဒီ အခွေကို ထည့်ပေးလိုက်ဖို့ သေချာ မှာလိုက်ပါတယ်။ အဲဒီအခွေကို ကျနော်အခု youtube မှာ file ၆ခုခွဲပြီး တင်လိုက်ပါတယ်။ မကြည့်ဖူးသေးသူများ ကြည့်ဖူးအောင်၊ ကြည့်ဖူးပြီးသား လူများလဲ ထပ်ကြည့်နိုင်အောင် တင်ပေးလိုက်တာပါ။ ဒီနှစ်လဲ ဒီထက်မက လှုဖို့၊ မွေးနေ့မှ မဟုတ်ဘူး အခွင့်သာတိုင်း၊ ကိုယ်တတ်နိုင်သလောက်လေး လှုဒါန်းသွားဖို့ ဆုံးဖြတ်လိုက်ပါပြီ။