သံစဉ် တေးသွား သီဆိုနားဆင်ရာတွင်

သံစဉ်၊တေးသွားတွေဟာ လူတွေရဲ့ စိတ်ကိုနူးညံ့စေတယ်။ စိတ်ဓာတ်ကျနေရင်ပဲဖြစ်ဖြစ်၊ စိတ်ဓာတ် ခက်ထန်နေရင်ပဲ ဖြစ်ဖြစ်၊ စိတ်ညစ်ငြီးငြူနေရင်ပဲ ဖြစ်ဖြစ် သံစဉ်တေးသွားလေးတွေကို နားဆင်လိုက်ရင်ကိုပဲ လုံးဝ မဟုတ်တောင် ခဏတော့ စိတ်ကို ကြည်လင်စေတာတော့ အမှန်ပါပဲ။ ဒါမှမဟုတ် သံစဉ်တေးသွားလေးနဲ့ အတူ ကိုယ်ပါစီးမြောလိုက်လံ သီဆိုလိုက်ရင်ကိုပဲ ရင်ထဲက ရှိတာတွေ အတော်လေး ပေါ့ပါးသွားတတ်တာ လူတိုင်းကြုံဖူးမှာပါ။ သီဆိုလိုက်ခြင်းအားဖြင့် အတော့်ကို လန်းဆန်းသွားတယ်ဗျ၊ ရေချိုးနေရင်းပဲ ဖြစ်ဖြစ်၊ အလုပ်လုပ်နေရင်းပဲ ဖြစ်ဖြစ် သီဆိုလိုက်ရင် တကယ်ကို ထူးထူးခြားခြား လန်းဆန်းစေပါတယ်။


ဒါပေမယ့်.... သံစဉ်တေးသွားတွေ နားဆင်၊သီဆိုရာမှာ နားဆင်၊ သီဆိုတတ်ဖို့တော့ လိုပါတယ်။ သီချင်းတွေနားထောင်၊သီဆိုတာပဲ ဘာခက်တာမှတ်လို့လဲ နားနဲ့ကြားနေရပြီး၊ ပါးစပ်နဲ့ဆိုတာပဲ ဘာကိစ္စကြောင့် နားဆင်၊သီဆိုတတ်ဖို့လိုမယ် ပြောတာလဲလို့ ရွဲ့စောင်းစောင်း မပြောလိုက်ပါနဲ့။ ဥပမာ ကျနော်ပြောမယ် အရပ်ထဲမှာ ကလေးတွေ အော်အော်ဆိုနေတဲ့ " ဒူးမထောက်၊ လက်မမြှောက်၊ လေးဘက်ထောက်သွားမည်" တို့ "ရဲဘော်သေ၊ သေသော်၊ ငရဲလား" တို့ "ဒါ..တို့တိုင်း၊ တို့ပြည်၊ လုပ်ချင်ရာလုပ်မည်" တို့ စသည်ဖြင့်ပေါ့နော... (ဒါ... အရပ်ထဲမှာ ကလေးတွေ ကစားရင်း သီဆိုတဲ့ အသံနော သားနဲ့ ဘာမှမဆိုင်ဘူး။) စစ်တပ်ထဲမှာ ဒီလိုသီချင်းတွေ ဘာကြောင့် သီဆိုနေကြသလဲ ဒီလိုသီချင်းတွေ ဆိုမှ စစ်စိတ်၊ စစ်မာန်တွေ တက်ကြွလာမယ်၊တိုင်းပြည်ကို ကာကွယ်ချင်တဲ့စိတ်၊ မျိုးချစ်စိတ်တွေ တက်ကြွလာမှာပေါ့ မဟုတ်ဘူးလားဗျာ။ အဲဒီ တပ်ထဲ အလွမ်းသီချင်းတွေဖြစ်တဲ့ "တွံတေးသိန်းတန်ရဲ့ နှမလက်လျှော့သေလေတော့ သီချင်း" တို့ "ထွေးညိုရေ သေးဆိုတာ မာတ်တပ်ပေါက်ရတယ်"တို့ "ပန်းနွယ်ကစိမ်း" တို့ သွားဆို ခိုင်းကြည့်ပါလား တပ်ထဲ ရှိသမျှလူအကုန် ထွက်ပြေးကုန်မှာပေါ့ မဟုတ်ဘူးလား။
အဲဒီလိုပဲ မိဘအိမ်ပေါ်မှာနေ နေပြီး ခိုင်ထူး သီဆိုထားတဲ့ မင်းလောက်ကိုယ့်အပေါ်မကောင်းဘူး၊ မင်းတယောက်ထဲပါ ကိုယ့်အတွက် အကောင်းနိုင်ဆုံး အပေါ်... မင်းလောက်ကိုယ့်အပေါ် ဘယ်သူမှ မကောင်းဘူး၊ ကိုယ့်ရဲ့အကြောင်းကို မင်းပဲ သိတယ်၊ ကိုယ့်ရဲ့အပြစ်ကို မင်းပဲ ခွင့်လွှတ်တတ်သူရှိတယ် လို့သွားဆို ကြည့်ပါလား အိမ်ပေါ်က ခေါင်းနဲ့ မဆင်းရရင်ကိုပဲ ကံကောင်းတယ်မှတ်ပါ။ ကျနော့်တုန်းကဆို အဘိုး သူ့တုတ်ကောက်နဲ့ လိုက်ရိုက်ပြီး အိမ်ပေါ်က မောင်းချလို့ ၁ညလောက်က ကိုယ့်အိမ် ကိုယ်ပြန်တာတောင် ခိုးကြောင်း၊ ခိုးဝှက် ပြန်ခဲ့ရဖူးပါတယ်။
နောက်တခါကျတော့ ကြာကူလီသီချင်းတွေပဲ လူကြားထဲ ဘယ်တော့မှ မဆိုမိစေနဲ့ ကိုယ့်ကို ကြာကူလီကောင်လို့ အထင်ရောက်သွားနိုင်ပါတယ်။ အထူးသဖြင့် ရွာပြန်ရောက်ခါစသင်္ဘောသားတွေ ရှေ့မှာပေါ့ဗျာ ဥပမာပေါ့ ရင်ဂို ဆိုထားတဲ့ သီချင်းလိုပေါ့ ပိုင်ရှင်ပြန်လာရင် တို့က ပြန်ပြီးပေးရမယ်၊ အပိုင်မလိုချင်ပါနဲ့ကွာ ကိုယ့်ကိုယ်ကို ပြန်သတိပေးတာ...... ကဲ... စဉ်းစားကြည့် ..... သင်္ဘောသားတွေက အတောင်ပံပါရင် မင်းဆီကို... အိုး... ဝေးနေချိန်ရဲ့ ခရီးလေးကို လို့ဆိုပြီး ရက်ရှည်၊လများ လွမ်းခဲ့၊ သတိရခဲ့ပြီး မိန်းမကို မျက်နှာလုပ်ဖို့ မစားရက် မသောက်ရက် စုဆောင်းထားတဲ့ ဒေါ်လာလေးတွေ ပြပြပြီး အလွမ်းသယ်မယ်လို့ မောင်းတင် လာတာ အဲဒီသီချင်း သူ့ရှေ့ သွားဆိုရင်တော့.....သေချာတယ်... သတ်ပွဲပဲ။ ရှိသေးတယ် နောက်တပုဒ် ရင်ဂိုဆိုထားတာပဲ ဘာတဲ့ အရန်လူ ဆိုလားသီချင်းစားသားတော့ သိပ်မရတော့ဘူးဗျ။ ဂျပန်သီချင်းကို ကော်ပီလုပ်ထားတဲ့ သီချင်းလေးပါ။
နောက်တခု စိုင်းထီးဆိုင် ဆိုထားတာ မောင့်တပါတ်နွမ်း တဲ့စားသားက... ဟောင်းပေမဲ့လဲ ကောင်းနေဆဲ ပါပဲ၊ မသစ်ပေမဲ့လဲ ကိုယ်အချစ်မလျော့ပါတယ်၊ ကိုယ်ဟာမင်းရဲ့ ပထမဆုံး မဖြစ်တောင်မှ၊ ကိုယ်ဟာမင်းရဲ့ နောက်ဆုံးလူ ဖြစ်ကောင်း၊ဖြစ်မယ် မောင့်တပါတ်နွမ်းရယ်လို့ မုဆိုးမရှေ့တို့၊ တခုလပ်ရှေ့တို့၊ မုဆိုးဖိုရှေ့တို့ သွားမဆိုမိစေနဲ့ နေရင်းထိုင်း သူတို့ကို စောင်းချိတ်နေတာထင်ပြီး အဖြေတန်းပေးနေလို့ ကိုယ့်လူနေရင်းထိုင်းရင် အရပ်ထဲမှာ ကြွက်ပျင်း ဆိုပြီးနာမည်တွင်နေဦးမယ်၊ ကြွက်ပျင်းဆိုလို့ မသိသေးသူများ သိအောင် ပြောပြရရင် ကြွက်ပျင်းလို့ ဘာကြောင့်ခေါ်သလဲဆိုတော့ ဒီကောင်တွေက ကိုယ်တိုင် တွင်းတူးပြီးမနေဘူး၊ သူများတူးထားပြီးသားတွင်း၊သူများမနေတော့တဲ့တွင်းနေမှာပဲလိုက်နေတတ်လို့ ကြွက်ပျင်းလို့ ခေါ်တာပါ။ဒီလိုမှမဟုတ်ပဲ ကိုယ်တိုင်က တကယ်ချစ်နေတာဆိုရင်တော့ စာသားထဲကလိုပေါ့ဗျာ ဟောင်းပေမဲ့လဲ ကောင်းနေဆဲပေါ့ဗျာ....နော....။
ဒီတခါကျတော့ စကားမပီတဲ့သူတွေ၊ ဒေသသံပါတဲ့သူတွေ မဆိုသင့်တဲ့ သီချင်းပေါ့ဗျာ။ တချို့ကျတော့ လျှာခင်တိုလို့လား မသိဘူး သိပ်မပီကြဘူး ထားပါတော့..။ ဒီလိုပါ ရင်ဂိုရဲ့ စထမဆုံး စီးရီးခွေထဲက အချစ်ဟာမီးလား ဆိုတဲ့ သီချင်းပါ။ အဲဒီသီချင်းသာ ဆိုမိလိုက်ရင်တော့ အရပ်ကို အော်ဆဲနေသလို ဖြစ်နေမှာပါ။ ဒီလိုပဲ ဖိုးချို သီဆိုခဲ့တဲ့ သီချင်းလေးပါ ချစ်သူကို ဆိုတဲ့ခေါင်းစဉ်းလေးနဲ့ပါ။ ချစ်သူကိုရွှေနန်းထက်မှာ ထားချင်တယ်၊ ဒါပေမဲ့ ကိုယ့်ရဲ့ဘဝဟာ ချို့တဲ့တာ မင်းအသိပါ၊ ချစ်သူကို လက်ဖျားနဲ့တောင် မထိရက်နိုင်တယ် အလှလေး ပွန်းပဲ့သွားရင်ကို ရင်ကျိုးရချည်ရဲ့..၊ ကဲ.. စဉ်းစား ဒီစာသားထဲ ဘယ်စာကလုံးက မပီပသ သီဆိုနိုင်သလဲဆိုတာ...။ အဲဒီ စကားမပီတဲ့ သူသာ သူ့ချစ်သူကောင်မလေးရှေ့မှာ ရင်ဂိုရဲ့ အချစ်ဟာ မီးလား သီချင်းနဲ့ လက်ဖျားနဲ့တောင် မထိရက်နိုင်တယ်များ သွားသီဆိုပြမိရင်တော့ ကော်မလေးတော့ ရင်တုန်၊ ပန်းတုန် တွေဖြစ်ပြီး၊ နှစ်လုံးရောဂါတွေ အဲ... မှားလို့ နှလုံးရောဂါတွေ ဘာတွေဖြစ်သွားမလား ဒါမှမဟုတ် ပါးပဲ အရိုက်ခံရမလားပါပဲ။
နောက်တခုက ချစ်သူအိမ်နားမှာ သွားဆိုရင်ပဲ ဖြစ်ဖြစ်၊ ယောက္ခမရှေ့မှာ ဆိုမိရင်ပဲ ဖြစ်ဖြစ်ပေါ့ ဒီသီချင်းဟာ ကိုယ့်ကို အားမကိုးရတဲ့ကောင်လို့ ထင်ပြီး သူတို့ သမီးနဲ့ မပေးစားပဲနေမှာ မို့လို့ပါ။ သီချင်းကို ဂီတနက်သံကိုစောညိန်း ကရေးသားခဲ့တဲ့ မိုးသက်လေနှင် သီချင်းလေးပါ။ သီချင်းစာသားလေးက ဒီလိုပါ.......... ဘယ်ရှေးဝဋ်ကြွေးတုံ့တင်.. ချေပြီထင်ရဲ့.... ခိုမှီရာမဲ့... ရှုလှည့်မြင်လှည့်စေချင်.... ချစ်တဲ့သူရဲ့ ရင်ခွင် .. ဒီမိုးမှောင်တုန်း မောင်ပုံးပါရစေခင်....။ ကဲ.. စဉ်းစားကြည့် မိုးမှောင်တာနဲ့ မောင်းပုံးပါရစေဆိုတော့ သူတို့ သမီးက ဘယ်နားသွားနေရမှာတုန်းဗျ.. ဒီလောက် အားကိုးရတဲ့ သားမက် ဘယ်ယောက္ခက သူတို့ သမီးနဲ့ သဘောတူပါ့မလဲ.... မဟုတ်ဘူးလားဗျာ။ နောက်ပြီး ခိုင်ထူးဆိုထားတာလား၊ ကိုင်ဇာဆိုထားတာလား မမှတ်မိတော့ဘူးဗျ..၊ စာသားက ဘာတဲ့..... လက်သီးကြိုက်လား၊ လက်ဝါးကြိုက်လား ကြိုက်ရာကို ရွေးစမ်းကိုယ့်လူ လို့သွားမဆိုမိစေနဲ့ ယောက္ခမလောင်းကြီးက လိုက်ရိုက်ရင်ရိုက်၊ မရိုက်ရင် သေချာပြီ ဗဒင်သီချင်းထဲကလို ငါ့သမီးစာကျက်နေတယ် ဖုန်းဆက်လိုက်ရမလား လို့ပြန်အော်လို့ ကိုယ့်လူပြေးပေါက်မှားသွားပါမယ်။
တကယ်တော့... သီချင်းမှရယ်မဟုတ်ပါဘူး ဘယ်ဟာပဲလုပ်လုပ် ကာလ၊ဒေသကိုကြည့်ပြီး လုပ်တတ်ရပါတယ်။ ဒါတွေ မကြည့်ပဲ ရမ်းလုပ်နေရင်တော့ အရှေ့အလယ်ပိုင်းဒေသကို ရေနံသွားရောင်းမိသလို၊ ရေခဲတောင်ပေါ်တက်ပြီး ရေခဲရေ ရောင်းမိသလိုဖြစ်ပြီး လုပ်သမျှ ဘာမှ အရာမထင်တဲ့အပြင် ပါတ်ဝန်းကျင်ရဲ့ ကဲ့ရဲ့ခြင်းကို ခံရနိုင်ပါကြောင်း ပြောကြားရင်း လောလောဆယ် မှတ်မိသလောက်လေးရေးလိုက်ပါတာပါ။
ကဲ... ကျနော်ပြောတာ လက်ခံပြီမဟုတ်လား သီချင်းကိုသီဆို၊နားဆင်တတ်ဖို့လိုတယ်ဆိုတာ............။