အလွဲများ

လူတိုင်း၊ လူတိုင်းကြုံဖူးကြမှာပါ တခြားသူပြောတာတမျိုး ကိုယ်နာလည်လိုက်တာတမျိုး၊ အဲဒီလိုပဲ ပြောချင်ဇောနဲ့ ပြောလိုက်တာ
ကိုယ့်စကားဘယ်လိုအဓိပ္ပာယ်ထွက်နေသလဲဆိုတာသတိမထားမိလိုက်တာတွေ၊ ကိုယ်ကတော့ရိုးရိုးသားသားပြောလိုက်ပေမဲ့ အပြောခံရတဲ့သူက အဓိပ္ပာယ်ကောက်လွဲသွားတာ စသည့်ဖြင့်ပေါ့ကြုံဖူးကြမှာပါ။ဒီအထဲက ကျနော်မှတ်မိသလောက်လေး ပြန်ပြောပြ
ရရင်တော့ ... ဒီလိုဗျ........... အိမ့်အသက်က အဲဒီတုန်းက အလွန်ဆုံးရှိ ၁၄၊၁၅ပေါ့အဲဒီအရွယ်မှာကထဲက မျက်နှာက ပြောင်ချော်ချော်၊နောက်တောက်တောက်နဲ့ပါ တရက်မှာ အမေဈေးသွားပြီးပြန်လာတော့ ချက်ပြုတ်ဖို့စီစဉ်ပါတယ် အဲဒီမှာ တို့စရာတမျိုးဝယ်ဖို့မေ့သွားတယ် အဲဒီတော့ ကျနော့်ကိုဈေးပြေးခိုင်းပါတယ်ဝယ်ခိုင်းတာက အခုတော့မေ့သွားပြီဗျ ပဲပင်ပေါက်ရယ် နောက်ဘာတွေလဲမသိဘူးဗျာ ပါသေးတယ် အဲဒါတွေကိုအချဉ် ဖောက်ထားတာပဲဗျ၊ ပဲပင်ပေါက်ချဉ်ပဲခေါ်လိုက်ကြစို့ဗျာ။ မ၀ယ်ခိုင်းခင်သေသေချာချာမှာတယ် အဲဒီချဉ်ဖတ်ဝယ်ရင်ဖြူဖြူလေးနဲ့ကျွတ်တဲ့
ဟာလေးရွေးဝယ်ပါကျွတ်ကျွတ်လေးစားချင်တယ်ဆိုတော့ အိုကေပေါ့ ဒါနဲ့ဈေးရောက်တော့ လူနည်းနည်းကွဲနေပြီဗျ အချိန်ကြည့်တော့
၁၁နာရီဆိုတော့ မကွဲနေမလားဗျာ ဈေးကိုပြောတာပါနော်၊ ဒါနဲ့ဟိုကြည့်ဒီကြည့်နဲ့ဈေးထဲ ချဉ်ဖတ်သည်ကိုရှာရတာပေါ့ဗျာ။ကိုယ်က၀ယ်
နေကြမဟုတ်တော့ ဘယ်ဈေးသည်ဘယ်နေရာရှိတယ်ဆိုတာ မသိဘူးလေဗျာ။တွေ့တော့ဈေးမေးရင်းအမေမှာလိုက်တဲ့ပုံစံလေးရဖို့လိုက်
ရှာရတယ်၊ အဲဒီမှာဇာတ်လမ်းစတာပဲဗျ အမကြိးတစ်ယောက်က ချဉ်ဖတ်တွေရောင်းနေတာ ကျနော်လိုက်ကြည့်နေတာတွေ့တော့ခေါ်
ရောင်းတာပေါ့ကျနော်ကလဲ ကိုယ်လိုချင်တာမေးတော့သူ့မှာရှိတယ် ဒါနဲ့ဟိုကြည့်ဒီကြည့်လုပ်တော့ သူ့ချဉ်ဖတ်တွေက အခုခေတ်
စကားနဲ့ပြောရရင်သိပ်မလန်းဘူးပေါ့ဗျာ ဒီတော့ ကျနော်လဲ အင်တင်တင်လုပ်နေတာပေါ့ ဒါကိုရိပ်မိတဲ့ချဉ်ဖတ်သည်အမကြီးက
ရောင်းချင်ဇောကပ်နေတယ်ထင်ပါရဲ့ ပြောလိုက်တာက............
အမဟာလေးဝယ်သွားပါမောင်လေးရယ် ဒီနေ့သိပ်ရောင်းမကောင်းလို့ပါနော်။
ကျနော်က.... အမဟာကသိပ်လဲမဖြူဘူး ညိုနေပြီ အမေက အချဉ်စိမ်ကာစကျွတ်ကျွတ်လေးပဲဝယ်ခိုင်းလိုက်တာဗျ။
ဝယ်ပါမောင်လေးရယ်၊ အမဟာကစိမ်ထားတာမကြာသေးဘူးအပေါ်ကလေသလပ်လို့ရယ်၊ နေထိလို့ရယ်ကြောင့်ညိုနေတာပါ၊အမ
အောက်ကဟာလှန်ပြမယ်လေ ဆိုတော့ ချဉ်ဖတ်သည်အမကြီးကတော့ ရောင်းချင်ဇောထင်ပါ့ ဘေးပတ်ဝန်းကျင်က ပြုံးစိစိဖြစ်နေတာ
ကိုတောင် သတိမထားမိဘူးထင်ပါရဲ့ဗျာ အဲဒါကို ကျနော်ကလဲ အလိုက်ကမ်းဆိုးမသိတာလား၊ နဂိုကထဲကကချော်ကချွတ်ပြောတတ်
တဲ့အကျင့်ပဲလားတော့မသိဘူး ပြန်ပြောလိုက်တဲ့ စကားကြောင့် ပတ်ဝန်းကျင်က နဂိုကထဲကမှ ရယ်ချင်နေတာ ကျနော် ပြောလိုက်တဲ့ စကားကြောင့် အားလုံးဝိုင်ရယ်ကြပြီး အဲဒီချဉ်ဖတ်သည် အမကြီး ထကိုပြေးရောဗျို့
ပြောလိုက်တဲ့ စကားက..... ဟာဗျာ လူကြားထဲရှက်စရာကြီး ကြည့်ရဲဘူးကျနော်။
သူကတော့ သဘောရိုးပါ ဒါပေမဲ့ရောင်ချင်ဇောကပ်နေတယ်ထင်ပါ့ဗျာ.......။

အခုအကြောင်းကတော့ ကျနော့်သူငယ်ချင်းပါ နာမည်က သန့်ဇင်ဦး လို့ခေါ်တယ်။ကြုံဖူးကြမှာပါ စကားမပြီတာလား ဒေသသံပါတယ်
ပဲပြောရမလား ကျနော်တော့ မခွဲတတ်ဘူး ဥပမာ။ ။ ၈ကိုချစ်၊ ချစ်တယ်ကို ရှစ်ဆယ် စသည်ဖြင့်ပေါ့ဗျာစကားလုံးကွဲအောင်မပြော
တတ်တဲ့သူတွေတွေ့ဖူး၊ ကြုံဖူးကြမှာပါ။ အဲဒီလိုပဲ ကျနော့်သူငယ်ချင်း သန့်ဇင်ဦး လဲဒီအတိုင်းပဲ။ပြီးတော့ ဒီကောင်က ယောကျာင်္း
လေးပေမဲ့ သိပ်စည်းကမ်းရှိသဗျ နေတာထိုင်တာ စားတာသောက်တာ၊ ၀တ်တာစားတာအစ သေသေသပ်သပ်နဲ့နေတတ်တယ်။
တရက်ပေါ့ဗျာ သူတို့အိမ်မှာ ဘုန်းကြီးဆွမ်းကျွေးလုပ်တော့ ကျနော်တို့အုပ်စုချီတက် ကြတာပေါ့ဗျာ။ ရောက်တော့ ကျနော်တို့လဲဝင်
ဝါးကြတယ် သူကတော့ဧည့်ခံနေရတော့ မအားဘူး။ အဲဒီမှာဗျာ ဘယ်လိုက ဘယ်လိုဖြစ်သလဲတော့မသိဘူး အသက်၄၀ကျော်
လောက်ရှိမဲ့ လူကြီးတစ်ဦး ဒေါသထွက်နေတဲ့ပုံနဲ့အိမ်ပေါ်ကနေ ဆင်းသွားသဗျ ကျနော်တို့လဲ ရုတ်တရက်ဆိုတော့ ဘာမှန်းမသိလိုက်ဘူး ဒါနဲ့ ဒီကောင့်ကိုလှမ်းခေါ်မေးရတာပေါ့ အကြောင်းစုံသိမှ ကျနော်တို့မှာ မပြုံးပဲ ၀ါလုံးကွဲရယ်မိကြရတယ်ဗျာ။
အဖြစ်က ဒီလို ရပ်ကွက်လူကြီးနဲ့ အဖွဲ့ကို သူ့အိမ်ကလူတွေက ဘုန်းကြီးပွဲကျ ကိတ်မုန့်ကို အချိုတည်းဖို့ချကျွေးတယ်ဗျ အဲဒီမှာ
ရာအိမ်မှုးဆိုတဲ့ လူကကိတ်မုန့်ကို ဓါးနဲ့မလှီးစားပဲ လက်နဲ့ပဲဖဲ့စားနေတာကို သန့်ဇင်ဦးကတွေ့တယ် တွေ့တော့ ဒီကောင်ကလှမ်းပြော
တာပေါ့ ဦးလေး လှီးစား၊ လှီးစား။ ဒါကိုဟိုရာအိမ်မှုးက ဘယ်လိုထင်သွားသလဲဆိုတော့ သူ့ကို လူလယ်ခေါင်အရှက်ခွဲတယ်ထင်မှာ
ပေါ့ဗျာ ကျနော်တို့မှာ ကိုယ့်လူအကြောင်းသိပြီးသားဆိုတော့ ရယ်လိုက်ကြရတာခွက်ခွက်လန်ပါပဲ။
လှီးစား၊ လှီးစား ဟုပြောသည်ကို ဟထိုးသံထည့်ရေးသားလိုက်ပါတယ် ခင်ဗျား။

အခုအကြောင်းကတော့ ကျနော့်အဖေရဲ့အကို ကျနော်ရဲ့ဘကြီးပေါ့ဗျာ။ မျိုးရိုးလိုက်တယ်ပဲပြောရမလား၊ အညာသားကြီးမို့လို့ စကား
ကိုတုတ်ထိုးအိုးပေါက်ပဲပြောတတ်သလားတော့မသိဘူး သူကျတော့တမျိုးဗျ အိမ့်ဘကြီးလို့ မပြောရဘူး။
ကြာတော့အတော်ကြာပြီ ကျနော်တို့တမိသားစုလုံး အဖေ့မွေးရပ်မြေ ပျော်ဘွယ်ကိုသွားလည်ကြတယ်။ ရောက်တော့ဗျာ အားရ၀မ်းသာ ကြိုကြတာပေါ့။ မြို့သားကြီးတွေဆိုပြီး ရွာရိုးကိုပေါက်လျှောက်ကြွားတာဗျာ... ဟေ့ဘယ်သူ ဘယ်ဝါရေ ဒီမှာ
ငါ့တူ မြို့သားကြီး တို့ရွာလာလည်တာထွက်ကြည့်ပါဦးဟ နဲ့လျှောက်ကြွားတာဗျာ ဒါတောင်ကျနော်မင်းသားမလုပ်လို့ မင်းသား
များလုပ်ရင်ဒိထက်ဆိုးမှာ(စကားမစပ်ကျနော်မင်းသားမလုပ်တာ ဒါတွေလဲပါတယ်သိလား ဟီ)
တရွာလုံးနီးပါကလဲ ဟိုအိမ်ကထမင်းခေါ်ကျွေး၊ ဒီအိမ်ကထမင်းခေါ်ကျွေးနဲ့ လူကိုမအားရဘူး။ ထမင်းစားပြီးပြီပြောလဲ အနည်းဆုံး
ရေနွေးကြမ်း၊ ပဲလှော်နဲ့ထန်လျက်တော့သွားစားသောက်ရတယ် မစားမသောက်ရင် စိတ်ဆိုးကြလို့လေ။
ဒီလိုနဲ့တစ်မနက်မှာ ဘကြီးကမနက်စာအကြော်ပူပူလေးနဲ့ စားဖို့ဆိုပြီး မနက်အစောကြီးထ ရွာမှာအကောင်းဆုံးအကြော်သည်ကို
မနက်၈နာရီလာက် အိမ်လာပို့ဖို့ သွားမှာပါတယ်။ ကျနော်တို့လဲအိပ်ယာထစ အချိန်၈နာရီကျော်လောက်အကြော်သည်ရောက်လာတော့
ဘကြီးက ကောင်းမကောင်းတခုယူ မတ်ပဲကြော်ဝါးလိုက်ပြီး ပြောလိုက်တာက မိညိုရယ်နင့်ဟာကရွလဲမရွဘူး၊ ပွပွဖောင်းဖောင်းကြီးနဲ့
အပေါက်ကလဲကျဉ်းကျဉ်းလေးတဲ့ ဒေါ်မိညိုကတော့ အကြောင်းသိတွေမို့ ဘာမှပြန်မပြောပေမဲ့ ကျနော်တို့မှာရယ်လိုက် ကြရတာ
ဒီလိုနဲ့ တစ်ပတ်လောက်နေပြီး ရန်ကုန်ပြန်ခါနီးမှာ ကျနော်တို့မိသားစုအားလုံး ကန်တော့ကြတော့ ၀မ်းနည်းရင်းပေးလိုက်တဲ့ဆုက
အေး..အေး... အခုလိုကန်တော့ရတဲ့အကျိုးအားကြာင့် ရေလိုအေးလို့၊ ပန်းလိုမွှေးကြပြီး လိုအင်ဆန္ဒများတလုံးတ၀ထဲပြည့်စုံကြ
ပြီး အပြန်ခရီးမှာ ဖြောင့်ဖြောင့်ဖြူးဖြူးနဲ့ နိဗ္ဗာန်ရောက်ကြပါစေ ဆိုလို့ကျနော်တို့မှာ ဘုရားတခဲ့ရပါတယ် ခင်ဗျား။