ကျနော် စစ်သား

ခုတေလာ မအားဘူးဗျာ စစ်တိုက်ဖို့ အကူအညီလိုတယ် ဆိုလို့ သွားပြီး တိုက်ပေးနေရတယ်။ ကိုယ်ကလဲ စစ်တိုက်ဖို့ဆို ထမင်းမေ့၊ဟင်းမေ့ကို တိုက်တာ တခါတလေ ညလုံးပေါက်.. တခါတလေ တနေကုန် စစ်တိုက်တယ်။ လက်ထဲ သေနတ်ရောက်တာနဲ့ မျောက်လက် သေနတ်အပ်လိုက်သလိုပဲ ပစ်လိုက်တာမှ တဒိုင်းဒိုင်း၊ တဒုန်းဒုန်းနဲ့ကိုချတာ။ ပစ်ပေမဲ့ တွေ့ကရာ ပစ်လို့တော့ မရဘူးပေါ့ တော်ကြာ ကိုယ့်လူကိုယ် ပစ်မိမှာလဲ စိုးရသေးတယ် မဟုတ်လား။ အရမ်းစိတ်ပါလာရင်..နေရရော ညရောတိုက်တာ။ ရန်သူမှန်သမျှ တယောက်မှ အရှင်မထားဘူး။ ပစ်ရင်လဲ အတတ်နိုင်ဆုံး ခေါင်းချည်းပဲ ရွေးပစ်တာ တခါထဲ ပွဲသိမ်း..နို့မို့ဆို သူခံစားနေရမှာ စိုးလို့လေ... ။ အချစ်နဲ့ စစ်မှာ မတရားတာ မရှိဘူးဆိုတော့ ကျနော် လူသတ်တာ အပစ်တော့ မဟုတ်ပါဘူးနော်......။




အခု ဝင်ပြီးစစ်တိုက်ပေးနေတဲ့ ဂိမ်းခွေပေါ့ဗျာ... call of duty (world at war) တဲ့။ ဒီဂိမ်းဆော့ချင်နေတာ ကြာပြီ စပေါ်ပေါ်ချင်းဆိုတော့ ဈေးကြီးလို့ မဝယ်သေးဘူး။ အင်တာနက်မှာ လိုက်ရှာတော့လဲ တွေ့တော့ တွေ့ပါရဲ့ ဘယ်လို install လုပ်ရမှန်း မသိလို့ မထူးဘူးဆိုပြီး ဝယ်လိုက်တာ... ဟီ... ဝါသနာပါရင် ဆော့ကြည့် ကောင်းမှကောင်းဗျား...။ ကျနော်တော့ ရေလည်သဘောကျတယ်။ စစ်တိုက်တဲ့ အခါမှာ ဂျာမာန်တွေ၊ ဂျပန်တွေကို ဟိုကောင်တွေလို့ စိတ်ထဲထားပြီး တိုက်တာ မိန်မှမိန်ဗျာ။ တကယ်သွားလုပ်လို့ မရတော့လဲ စိတ်ကူးပေါ့နော်..အဟီး...။
နောက်တရက်၊နှစ်ရက်လောက်နေရင်တော့ အားပါပြီ... အဲဒီအခါကျမှ လိုက်လည်တော့မယ်နော်... ခုတော့ စစ်တိုက်လိုက်ဦးမယ်.... ။ ပြန်လာရင် အောင်သပြေနဲ့ ကြိုနော်... အောင်ပန်းနဲ့ အတူ ပြန်လာမယ်..။