ကလေးဘဝ အမှတ်တရများ ၂

ကြာတော့အတော့်ကိုကြာပါပြီ ငယ်ဘဝအကြောင်းဆိုတော့ မေ့မရတဲ့အဖြစ်တွေမို့ သတိရနေဆဲပါပဲ။ တခါတလေ လူ့ဘဝရဲ့ စိတ်ပျက်ငြီးငြူစရာတွေ ကြုံတိုင်း ဘာအပူအပင်မှမရှိတဲ့ ငယ်ဘဝကိုပြန်တောင့်တမိရင်း လွမ်းမောနေမိတယ်။ လက်ရှိဘဝကို စိတ်ပျက်လို့တော့ မဟုတ်ပေမဲ့ စိတ်ပြေရာပြေကြောင်း ထွက်ပေါက်တခုအနေနဲ့ ပြန်တွေးမိတာပါ။ တွေးမိတဲ့ အထဲက အမေငယ်ငယ်က နတ်ကတဲ့အကြောင်းလေး ပြောပြချင်တယ်..။



အမေ့အကြောင်းမပြောခင် အဖေ့အကြောင်းပါပြောမှဖြစ်မယ်။ အဖေက တနင်္ဂနွေသား.. အမေကစနေသမီး ပုံပြင်တွေထဲမှာတော့ နဂါးနဲ့ ဂဠုန်ဆိုတာရန်သူတွေပါ။ သူတို့ကတော့ ရန်သူတွေဖြစ်မလာဘဲ ကြင်ယာဖက်တွေဖြစ်လာပြီး သူတို့ချစ်အား ဘယ်လောက်ကောင်းလဲ ဆိုတာကို ကလေး၆ယောက်မွေးပြီး သက်သေပြထားပါတယ်။ ဟိုတုန်းကလူတွေကတော့ ကံကောင်းတယ် ခေါ်မလားမပြောတတ်ဘူး ကျနော့်အဖေဟာ မိန်းမနဲ့ ကလေး၆ယောက်ကို သူတယောက်ထဲ မပူမပင် မကြောင့်မကျ ဖြစ်အောင်ရှာကျွေးနိုင်ခဲ့တယ်၊ ကျနော်တို့ ခေတ်ကျတော့ ကလေး၁ယောက်မပြောနဲ့ မိန်းမယူဖို့တောင် အတော့်ကို စဉ်းစားနေရတယ်၊ ဒါတောင် မောင်တထမ်း၊ မယ်တရွက်လုပ်မှနော်၊ မောင်တထမ်း၊ မယ်အိမ်မှာဆိုရင် သေပြီဆရာ... ထားပါတော့....။

အမေကလူတမျိုးဗျ.... စနေသမီးမို့လား မသိဘူး၊ တဇွတ်ထိုးလုပ်တတ်တယ်၊ တုံးတိုက်တိုက်၊ ကျားကိုက်ကိုက်၊ သူလုပ်ချင်တာ၊ သူယုံကြည့်ရာဆို ဇွတ်လုပ်တတ်တယ်၊ အဖေကတော့ အမေဘာလုပ်လုပ် ဘာတခုမှကိုမဝေဖန်ဘူး၊ ကောင်းတယ်လဲ မပြောဘူး၊ ဆိုးတယ်လဲ မပြောခဲ့ဘူး၊ ချစ်လို့လဲ ပါမှာပေါ့...။ ဟိုးတုန်းကတော့ အမေက နတ်ကိုအတော်လေးကိုယုံကြည့်ပါတယ်၊ နတ်ကန္တားဟေ့ဆိုရင် သူရှေ့ဆုံးကရောက်ပြီးသား.. အထူးသဖြင့် ဗဟန်းမြို့နယ်၊ ဂွတ္တလိတ်က ကန္တားစီး bsc အောင်မြင့်သိန်းတို့၊ နောက်တယောက်ရှိပါသေးတယ် နာမည်မေ့နေလို့ မပြောတော့ဘူး သူတို့ဆိုတာ အမေနဲ့က ပလဲနံပ သင့်တဲ့သူတွေပေါ့၊ မနွဲ့ရေ ဘယ်မှာကန္တားရှိတယ်ဟေ့ဆိုရင်.. အမေတို့က ၂ခါမပြောရဘူး ရောက်ပြီးသားပဲ။ နတ်ကတာလဲ အလွန်ဝါသနာပါတဲ့သူပါ။ ဘယ်လောက်ထိလဲဆို ကျနော့်အထက်က အမ .. ၅ယောက်မြောက်ပေါ့နော်.. သူငယ်ငယ်ကဆို အမေက မနှဲလေးကခိုင်းလို့ ကရဖူးပါတယ်။ အဲဒီမှာ ကျနော်က မိသားစုထဲ အငယ်ဆုံးလဲဖြစ်၊ အမေ့ရဲ့ အချစ်ဆုံးလေးလဲ ဖြစ်တော့ အမေဘယ်သွားသွား ကျနော်အမြဲပါနေကျပေါ့။

အဲလိုအမြဲ အမေသွားတဲ့နေရာတိုင်း ပါတဲ့သူဆိုတော့ နတ်ကတော်တွေက ကျနော့်ကို ချစ်လဲချစ်ကြတယ်၊ ကြည့်လဲမရကြပါဘူး။ ချစ်တယ်ဆိုတာက ၄၊၅၊၁၀နှစ် ချစ်စရာ့အရွယ်ဆိုတော့ ချစ်တာမဆန်းပါဘူး၊ ကြည့်မရတာကတော့ အမေနတ်ကတိုင်း.. အမေက နတ်စင်ပေါ်ကနေပြီး၊ ကြက်ကြော်တွေ၊ အချိုရည်ပုလင်း၊ ငါးကြော်၊ ဆီထမင်း၊ ဂျလေပီမုန့် စသည်ဖြင့်ပေါ့.. ကျနော်ကြိုက်တတ်တဲ့ ဟာမှန်သမျှကို နတ်ကရင်းဆွဲချလာပြီး ကျနော့်ကိုကျွေးတတ်တာပါ။ အမေနဲ့သား ဘယ်လောက်လိုက်လဲဆို အမေက သူနတ်မကခင် သား.. စင်ပေါ်ကြည့်လိုက် ဘာစားချင်လဲပြော အမေနတ်ကရင်းယူပေးမယ်ဆိုပြီး မေးတော့ ကျနော်ကလဲ ဟိုဟာ၊ ဒီဟာနဲ့ တကယ့်ကောင်းပေ့ ညွှန့်ပေ့ဆိုတာတွေပဲ တွယ်တာဆိုတော့ နတ်ကတော် ကြည့်မရတာ နဲသေးတယ်ပြောရမှာပေါ့။ သူတို့မှာလဲ အမေက နတ်ကရင်း အစားအသောက်တွေ ဝင်ဆွဲတာဆိုတော့ မယူနဲ့လို့လဲ သွားပြောလို့ မရဘူးလေ။ အမေကလဲလည်တယ်၊ ကျနော့်ဆီ ဒါရိုက်ယူချမလာဘူး.. ဥပမာပေါ့ ကြက်ကောင်လုံးကြော်ဆိုရင် ရင်အုံကိုဆွဲဖဲ့ပြီး ဟိုလူ့နဲနဲကျွေး၊ ဒီလူ့နဲနဲကျွေးတယ်လေ ဒီတော့ အဲဒီ စားတဲ့သူတွေကလဲ အမေ့ကိုပြန်ပြီး ပိုက်ဆံတွေ ဆက်ကြ၊ သူတို့သိချင်တာတွေ မေးကြမြန်းကြနဲ့ ၃၊ ၄ယောက်လောက် ကျွေးပြီးမှ ကျနော်စားချင်တဲ့ ကြက်ပေါင်ကိုယူလာပြီး ပေးတာပါ။ ငါးကြော်ဆိုလဲ အဲဒီလိုပဲ ကျနော်မကြိုက်တဲ့ ငါးခေါင်းတို့၊ အမြီးတို့ဆိုရင် သူများကျွေးတာ၊ ပြီးတော့မှ ကျနော်ကြိုက်တဲ့ ငါးဗိုက်သားတို့ ငါးဥတို့ လာကျွေးတာ။ ထမင်းတောင် မစားနိုင်အောင်ကို စားစရာက အဲလောက်များတာ၊ နတ်ပွဲလာကြည့်တဲ့ ကလေးတွေဆိုရင် ကျနော့်ကို အားကျတဲ့ မျက်လုံးလေးတွေနဲ့ စိုက်စိုက်ကြည့်ခံခဲ့ရတာပါ။ တခါတလေ အမေကသူ့ကိုဆက်ထားတဲ့ ပိုက်ဆံတွေဘာတွေဆို လာချပေးသေးတာ။ သားအမိတွေ သူ့ဟာနဲ့သူတော့ ဟုတ်လို့။

မှတ်မှတ်ရရပါပဲ၊ ကျနော့်အမ မနှဲလေးကပြီးရင် မောင်နှမ၂ယောက် မနှဲလေးဆက်တဲ့ ပိုက်ဆံတွေ ဝေစုခွဲရတာလဲ အမောပါပဲ။ သူကလဲ အမေ့သမီးလို့ မပြောရဘူး သူ့မောင် ကျနော့်ကို ကြက်ဥပြုတ်တွေ လာလာကျွေးရတာလဲ အလုပ်တခုပါပဲ။ သူကလဲ အမေ့ခြေရာ တထပ်ထဲနင်းနိုင်အောင်ကိုတော်တာပါ.. ကတဲ့နေရာမှာ မဟုတ်ပါဘူး ကျနော့်ဆီလာပြီး မုန့်တွေကျွး သူ့ကိုဆက်ထားတဲ့ ပိုက်ဆံတွေကို ကရင်းနဲ့ လာပေးနဲ့ သူဆို အမေ့ထက် တခုအလုပ်ပိုတာက သူပေးထားခဲ့တဲ့ ပိုက်ဆံကို ဘယ်လောက်လဲဆိုတာ မှတ်ထားတာပါ... ဘာလို့လဲဆိုတော့ ကျနော်က သူ၅၀ပေးခဲ့တယ်ဆိုပါတော့ သူကပြီးလို့ ဘယ်လောက်ရလဲ လာမေးရင် ကျနော်က ၄၀ပဲရတယ်တို့၊ ၃၀ပဲရတယ်တို့ပြောပြီး ကတုံးပေါ်ထိပ်ကွက်လို့ပါပဲ။ နောက်ပိုင်းတော့ သူသိသွားပြီး သူကလို့ ကျနော့်ဆီပိုက်ဆံလာပေးရင် ကရင်းနဲ့ ဘယ်လောက်ကျနော့်ကိုပေးခဲ့တယ်ဆိုတာ မှတ်ထားရတဲ့ အလုပ်ပါပဲ။ သူ့ခမျာလဲ.. ကျနော်ကတုံးပေါ်ထိပ်ကွက်မှန်း သိပေမဲ့ ပေးစရာလူက ကျနော်ပဲ ရှိတာဆိုတော့ မပေးလို့လဲ မဖြစ်ဘူး ကပြီးမှယူလို့လဲ မရဘူးလေ၊ နတ်ကပြီးတာနဲ့ နတ်ကတော်က အကုန်စီးပြီး သိမ်းတာဆိုတော့ အခွင့်အရေးက ကတုန်း အချိန်ပဲရှိတာ၊ တခါတလေ ကနေရင်းတောင် နတ်ကတော်က ပိုက်ဆံတွေ လာလာယူသွားတာဆိုတော့ လသာတုန်းဗိုင်းငင် ရတာပေါ့။

နတ်ကတော်တွေက ကျနော့်ကိုချစ်ကြတယ်ဆိုလို့ ပြောရဦးမယ်.. နတ်ကတော်တယောက်ပဲဗျ ကျနော့်မွေးစားမယ်လုပ်သေးတာဗျ၊ အဲဒါ အမေက ဒါကျမသားအငယ်ဆုံးလေး ကျမရဲ့ နောက်ဆုံးပိတ်ကလေးတော့ မပေးနိုင်ဘူး ဆိုလို့ မမွေးစားဖြစ်ဘူး ဆိုပါတော့၊ တကယ်လို့သာ မွေးစားလိုက်ရင်တော့..... အင်း... ခုလောက်ဆို ကန္တားစီးမောင်မောင်အိမ်ဆိုပြီးပဲ နာမည်ကြီးမလား... ဒါမှမဟုတ် မာမီအိမ်လို့ပဲ နာမည်ထွက်မလား... ဒါမှမဟုတ်... အေအိုင်ဒီအက်စ်ပဲ ဖြစ်ပြီး ဂန့်သွားမလား.. တခုခုတော့ သေချာပါတယ်။ ဘာဖြစ်ဖြစ်လေ အမေ့ကိုကျေးဇူးတင်ရမှာပေါ့ ... အမေသာ သူများပေးပြစ်ခဲ့ရင်တော့ ဖုန်းကညာတပါး၊ လုံးရာကပြားသွားမှာသေချာသလောက်ပါပဲ၊ အခုတောင် အိမ်ဆိုတဲ့နာမည်ကို မိန်းကလေးထင်နေတဲ့သူ ၄၊၅ယောက် ရှိနေပြီ။ ဒါကိုသွားမြင်တော့ ကိုယ့်ဟာကိုယ်လဲ ပြန်တွေးမိတယ်၊ ငါ့မှာ အခြောက်ဖြစ်မဲ့ဇာတာများ ပါသလားမသိဘူး၊ ငယ်ငယ်ကလဲ အခြောက်ကမွေးစားမယ်တဲ့၊ အခုလဲ မိန်းကလေးထင်နေကြတယ်။

... ..... သြော်... ဒုက္ခ.. ဒုက္ခ.. အဲဒီလိုသာ မိန်းကလေးလို့ ဆက်ထင်နေရင်... ယူဖို့ မိန်းမကလဲ ရှာမတွေ့သေးတာနဲ့ ထိုင်းသွားပြီး လ်ိင်ပြောင်းလိုက်ရရင်တော့.... တောက်... ... တလွဲတွေတော့ ဖြစ်ကုန်တော့မှာပဲ ရှင်... အဲလေ.. ဗျာ..။